Xəbər Online

 Qaynar Xəbərlər
  • No posts were found

İslamiada: Azərbaycan medal əyarında Türkiyəni keçib – İCMAL – CƏDVƏL

İslamiada: Azərbaycan medal əyarında Türkiyəni keçib – İCMAL – CƏDVƏL
May 19
20:46 2017


Bakı. 19 may. REPORT.AZ/ “Bakı 2017” IV İslam Həmrəyliyi Oyunlarında bu gün 4 növ üzrə medallar sahiblərini tapıb. “Report”un məlumatına görə, Azərbaycan idmançıları bütün növlərdə mükafatçılar sırasına düşməyi bacarıblar.

Onlar ümumilikdə 8 qazanıblar ki, bunların da yarısı qızıl olub. Ən yüksək əyarlı medallara sərbəst güləşçilərdən Mahir Əmiraslanovla (57 kq) Nurməhəmməd Hacıyev (97 kq), 10 metrlik platformadan suya tullanma yarışında Olqa Bıkovskaya və para-atletikanın 200 metr məsafəyə qaçış yarışında Yelena Çebanu yiyələnib.

Gümüş medalları sərbəst güləşçi Məhəmməd Müslümov (65 kq) və stolüstü tennisçi Jinq Ninq əldə edib.

Bürünc medallara isə stolüstü tennisçi Miao Vanq və 3 metrlik tramplindən sinxron üsulla tullanma yarışında Artyom Danilov – Dmitri Sorokin dueti sahib çıxıb.

Bu nəticələrdən sonra Azərbaycanın aktivindəki medalların sayı 124-ə yüksəlib. Medallardan 63-ü qızıl, 35-i gümüş, 26-sı bürüncdür. Beləliklə, Azərbaycan əyarında Türkiyəni geridə qoyub. “Ay-ulduzlular”ın 61 qızıl, 56 gümüş və 45 bürünc olmaqla, ümumilikdə 162 medalı var.



Source link

Facebook Auto Publish Powered By : XYZScripts.com
%d bloggers like this: