Xəbər Online

 Qaynar Xəbərlər
  • No posts were found

Moldovada azərbaycanlı rejissorun rəhbərliyi altında teatr tamaşasının premyerası olub

Moldovada azərbaycanlı rejissorun rəhbərliyi altında teatr tamaşasının premyerası olub
December 11
14:58 2017

Moldovanın Çıdır-Lunqa şəhərində D.Tanasoğlu adına Qaqauz Milli teatrında istedadlı azərbaycanlı rejissor Tural Mustafayevin rəhbərliyi altında qaqauz dilində amerikalı dramaturq Con Patrikin “Qiymətli Pamela” tamaşasının premyerası olub.

 

Azərbaycanın Moldovadakı səfirliyindən APA-ya verilən məlumata görə, tamaşanın premyerası Moldova mədəniyyət naziri, Moldova Respublikası Qaqauz Muxtar ərazi vilayətinin rəhbərliyi və Azərbaycanın Moldovadakı səfirliyinin dəstəyi ilə baş tutub.

 

Tamaşada yarımdağılmış zirzəmisində yaşayan yaşlı tənha qadının başına olaydan bəhs olunur. Qadının evinə biznesmen adı ilə üç dələduz onu öldürmək istəsə də, sevgi, inam və qadının ümidi onların planlarını dağıdır, fikirlərindən daşındırır və həyata başqa cür baxmağa məcbur edir. Amma artıq hamı üçün hər şey müvəffəqiyyətlə bitmək üzrə olduğu zaman qəhrəmanların məqamlar ortaya çıxır.

 

Tamaşanın sonunda Azərbaycanın Moldovadakı səfiri Qüdsi Osmanovun məktubu oxunub. Moldova Respublikası Qaqauz Muxtar ərazi vilayətinin başqanı İrina Vlax isə çıxışında Azərbaycan rəhbərliyinə Qaqauz Muxtar ərazi vilayəti ilə əməkdaşlığa görə təşəkkürünü bildirib. O qeyd edib , Qaqauziyanın Çıdır-Lunqa şəhərində Heydər Əliyev Fondu tərəfindən həyata keçirilən mədəni-tədris mərkəzi layihəsi Moldova Respublikası, o cümlədən Qaqauz Muxtar ərazi vilayəti ilə Azərbaycan Respublikası arasında dostluq və əməkdaşlıq münasibətlərinin möhkəmlənməsinə töhfəsini verəcək.

 

İ. Vlax D.Tanasoğlu adına Qaqauz Milli teatrının əməkdar xadimlərini, o cümlədən azərbaycanlı rejissor Tural teatrın 20 illik yubileyi münasibəti ilə Qaqauz Muxtar ərazi vilayətinin fərqləndirici diplomları ilə təltif edib. 



Source link

Facebook Auto Publish Powered By : XYZScripts.com
%d bloggers like this: